Ինչու է վարչապետը նստելու Բաղրամյան 26-ում

Կառավարության նիստից հետո Արդարադատության նախարար Դավիթ Հարությունյանն անդրադարձավ հարցին, թե արդյոք այն, որ վարչապետի նստավայրը նախատեսվել է Բաղրամյան 26-ը, իսկ նախագահի նստավայրը՝ Մաշտոցի 47-ը, չի կանխորոշվում, որ Սերժ Սարգսյանի համար է Սահմանադրությունը փոխվել, որ նա մնա Բաղրամյան 26-ում: «Ենթադրեն, դուք եք ընտրվել վարչապետ եւ ենթադրենք՝ Սերժ Սարգսյանը չի ընտրվել վարչապետ եւ որոշում է չշարունակել իր պաշտոնավարումը: Այնուամենայնիվ, Բաղրամյան 26-ը շենք է, որը հատուկ հարմարեցված է եւ ծառայում է մի շարք նպատակների, որոնք բնորոշ են գործադիր իշխանության ղեկավարին: Դա է պատճառը, որ Բաղրամյան 26-ը, կապ չունի, որ թեկնածուն Սերժ Սարգսյանն է կամ որեւէ այլ անձ, նախատեսվում է որպես վարչապետի նստավայր եւ դա ամենեւին չի կանխորոշում»,- պատասխանեց Դավիթ Հարությունյանը: