Լարվածության թուլացմանն ուղղված ցանկացած քայլ պետք է լինի փոխադարձ և ուղեկցվի իրական երաշխիքներով․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Կիևը պատրաստ է դադարեցնել Ռուսաստանի նավթավերամշակման գործարաններին հասցվող հարվածները, եթե Մոսկվան դադարեցնի Ուկրաինայի էներգետիկ ենթակառուցվածքների վրա հարձակումները։

«Ուկրաինան պատրաստ կլինի դադարեցնել Ռուսաստանի նավթավերամշակման գործարաններին հասցվող հարվածները, եթե Ռուսաստանը դադարեցնի հարվածները մեր էներգետիկ ենթակառուցվածքներին։ Լարվածության թուլացմանն ուղղված ցանկացած քայլ պետք է լինի փոխադարձ և ուղեկցվի իրական երաշխիքներով», — հավելել է Ուկրաինայի նախագահը։