Իրանում հայտարարել են Իրանի ժողովրդի նկատմամբ ԱՄՆ-ի սկզբունքային թշնամանքի մասին
Իրանի խորհրդարանի Ազգային անվտանգության և արտաքին քաղաքականության հանձնաժողովի նախագահ Էբրահիմ Ազիզին հայտարարել է, որ ԱՄՆ կառավարությունը սկզբունքային թշնամանք է տածում Իրանի և նրա ժողովրդի նկատմամբ։ Այսպես է նա արձագանքել ԱՄՆ պետքարտուղար Մարկո Ռուբիոյի վերջին հայտարարություններին։
«Մի երկիր, որի պատմությունը սկսվել է տեղաբնիկ ժողովուրդների զանգվածային սպանդով, և որը երբեք չի դադարեցրել գաղութատիրական ընդլայնումն ու արյունահեղությունը, հանցագործություններ կատարելու մեջ մեղադրում է Աքեմենյաններին՝ մարդու իրավունքների աշխարհում առաջին հռչակագրի հեղինակներին», — ուրբաթ օրը X սոցիալական ցանցում գրել է Ազիզին։
Նրա խոսքով՝ Վաշինգտոնի գործողությունների հետևում ընկած է Իրանի և իրանցի ժողովրդի նկատմամբ խոր արմատներ ունեցող ատելությունը։
Իրանի ԱԳՆ պաշտոնական ներկայացուցիչ Իսմայիլ Բաղային նույնպես քննադատել է արևմտյան քաղաքակրթության այն մեկնաբանությունը, որը Ռուբիոն ներկայացրել էր Հունաստան կատարած այցի ընթացքում։ Իրանցի դիվանագետը ԱՄՆ արտաքին քաղաքական գերատեսչության ղեկավարին մեղադրել է պատմության ընտրողական ներկայացման մեջ, որը Հին Հունաստանի ժառանգությունը կապում է ժամանակակից ԱՄՆ-ի հետ և դրանով իսկ արդարացնում ուժի կիրառումը։
Բաղայիի կարծիքով՝ Ռուբիոյի մեկնաբանության մեջ շեշտը դրված է հզորության և ազգային կամքի վրա, մինչդեռ հին հունական ավանդույթի մեկ այլ կարևոր կողմ դուրս է մնում ուշադրությունից․ խոսքը կայսերապաշտական հավակնությունների, գոռոզամտության և ագրեսիայի քննադատության մասին է։
Հետևեք մեզ Viber-ում
