Միայն օգնական աշխատած «կռվի թամադան»․ YerevanToday

Այսօր խորհրդարանում մի քանի անգամ լարված մթնոլորտը վերածվեծ քաշքշուկի։ Թեև քաշքշուկի հրահրման մեջ աչքի ընկավ Նիկոլ Փաշինյանի քավորի եղբայր Վահե Ղալումյանը, սակայն բռունցքները ակտիվ գործադրում էր մեկ այլ՝ ՔՊ-ական նորաթուխ պատգամավոր՝ Սուրեն Հովհաննիսյանը։ Տարածված կադրերից մեկում երևում է, թե ինչպես է ՔՊ-ական պատգամավորը բռունցքով հարվածում ընդդիմադիր պատգամավորին։

YerevanToday-ը որոշեց պարզել՝ ո՞վ է այս պատգամավորը և ի՞նչ ծառայություններ է մատուցել հայրենիքին, բացի գործընկերների վրա բռունցքներով հարձակվելուց։

ԱԺ պաշտոնական կայքում հրապարակված կենսագրությունից տեղեկանում ենք, որ Սուրեն Հովհաննիսյանը պատգամավորական մանդատ ստանալուց առաջ մեկ տարի հասարակական հիմունքներով աշխատել է որպես ԱԺ պատգամավորի օգնական։ Բնականաբար՝ ՔՊ-ական։ Այնուհետև ևս երկու տարի նույն պաշտոնում աշխատել է արդեն աշխատավարձով։ 2021-2026 թվականներին էլ զբաղեցրել է Փաշինյանի աշխատակազմի ղեկավարի օգնականի պաշտոնը։

Այսպիսով՝ պատգամավորի օգնական, վարչապետի աշխատակազմի ղեկավարի օգնական, ապա՝ պատգամավոր, որի մասին հանրությունը ստիպված է խոսել ոչ թե օրենսդրական նախաձեռնությունների, այլ ԱԺ դահլիճում ընդդիմադիրներին հարվածելու համատեքստում։

Նա ԱԺ է գնացել իր նախկին ղեկավարի՝ աշխատակազմի ղեկավարի հետ։ Իսկ գուցե հիմա է՞լ է նա շարունակում աշխատել որպես օգնական, պարզապես այս անգամ՝ արդեն պատգամավորական աշխատավարձով, որը, ի դեպ, հունվարի 1-ից կրկին բարձրանալու է։