Ո՞վ է նախարարության ճոխ տոնի հաշիվը փակելու՝ 1 մլն արտագաղթա՞ծը, թե՞ 1 մլն աղքատը
ԳԽ նախկին պատգամավոր Ազատ Արշակյանը կողմ է Պաշտպանության նախարար Վիգեն Սարգսյանի կողմից իրականացվող բարեփոխումներին: «Բանակը չբարեփոխել անհնար է: Լավ է, որ Վիգեն Սարգսյանի բարեփոխիչ է: Ես գիտեմ, որ բարեփոխումներ կան: Առաջ մարգարին էին տալիս, հիմա՝ կարագ»,-լրագրողների հետ զրույցում ասաց Ազատ Արշակյանը։ Հարցին, թե ինչու են վերջերս տեղի ունենում այդքան պաշտոնանկություններ, նշեց, որ դա պատիժ է նրանց համար, ովքեր չարաշահել են իրենց պաշտոնեական դիրքը: Բանախոսը, լրագրողների խնդրանքով, խոսեց նաև Ամանորի կորպորատիվների համար ծախսած միլիոններին՝ նշելով, որ իշխանությունը հայկական չի, խնայող չի, մսխում է մեր ռեսուրսները: «Տոնը պետք է ճոխ լինի, շեփորներ լինեն, ծաղիկներ ու խնջույքներ, բայց ձեր հնարավորությունների հաշվով արեք: Ո՞վ է հաշիվը փակելու, այն մեկ միլիոն արտագաղթա՞ծը, մեկ միլիոն աղքա՞տը: Ամեն տոնակատարություն հայ ժողովրդի համար դառնում է մի անբարեկարգ դպրոց, հիվանդանոց, զոհաբերվում է զինվորականների պահուստը»,- եզրափակեց նա:
Հետևեք մեզ Viber-ում
