ՌԴ ՊՆ մամուլի ծառայության ղեկավարը նկատողություն է ստացել
«Կոմերսանտը»՝ վկայակոչելով իր աղբյուրները հաղորդում է,որ Ռուսաստանի ՊՆ մամուլի եւ տեղեկատվության վարչության պետ գեներալ-մայոր Իգոր Կոնաշենկովը նկատողություն է ստացել՝հատուկ խնդիրների կատարման գոտում լրատվամիջոցների ներկայացուցիչների հետ աշխատանքի ժամանակ անվտանգության միջոցառումներին ոչ բավարար հետեւելու համար: Մարտի 1-ին Ռուսաստանհի ՊՆ-ն հայտնել էր, որ Սիրիայում, Քինսիբ բնակավայրի մոտ, ռուս եւ օտարերկրացի լրագրողներից 150-450 մետր հեռավորության վրա խոշոր տրամաչափի հրետանու ականներ են պայթել, որի հետեւանքով տուժել է 4 լրագրող Չինաստանից, Կանադայից, Բուլղարիայից եւ Ռուսաստանից: Ընդհանուր առմամբ կրակի տակ է հայտնվել 33 լրագրող: Լրագրողները մամուլի շրջայցի շրջանակներում եղել են Սիրիայի Լաթաքիայի նահանգում: Այցի ընթացքում նրանք պետք է այցելեին այն բնակավայրեր, որոնք արդեն հրադադարի համաձայնագիր են կնքել:
Հետևեք մեզ Viber-ում
