Թրամփը հրաժարվել է իր խոսքերից

Հանրապետական կուսակցությունից ԱՄՆ նախագահի պաշտոնի հավակնորդ Դոնալդ Թրամփը սխալմունք է համարել կտտանքների մասին իր մեկնաբանությունները, որ արվել են հինգշաբթի օրը հեռուստադեբատների ժամանակ: Այս մասին գրում է BBC-ն: Այդ ժամանակ նա հայտարարել էր, որ եթե նախագահ լիներ, կարող էր ամերիկացի զինվորականներին հրամայել խախտել ահաբեկչության կասկածյալների հարցաքննության օրենքը և թույլ կտար կիրառել ջրահեղձ անելու (waterboarding) իմիտացիա: Սակայն Wall Street Journal-ին ուղղված գրավոր հայտարարության մեջ Թրամփը հայտարարել է, որ չէր հրամայի զինվորականներին խախտել ԱՄՆ օրենքներն ու պայմանագրերը: