Ես կդառնամ երկաթե Ջիգարխանյան,դերասանը մարտական է տրամադրված/տեսանյութ/

Ռուսական հեռուստաալիքներից մեկի հետ հարցազրույցում  Արմեն Ջիգարխանյանը  պատմել է, որ իրեն լավ է զգում և հնարավորինս շուտ ուզում է թատրոն վերադառնալ։ «Հիմա կաթիլային են անելու։ Երկաթ են ներարկելու։ Ուրեմն ես կդառնամ երկաթե Ջիգարխանյան»,– ծիծաղել է դերասանը։ Ավելի վաղ  Արմեն Ջիգարխանյանի փաստաբան փաստաբան Եվգենի Պարֆյոնովը հայտնել է,որ արտիստը սարսափահար է եղել, երբ իմացել է, որ ինքն իրավաբանորեն դեռևս հանդիսանում է 39-ամյա Վիտալինա Ցիմբալյուկ-Ռոմանովսկայայի ամուսինը։ Ամանորից առաջ Վիտալինայի փաստաբանն առաջին ատյանի դատարանի որոշման դեմ վերաքննիչ բողոք էր ներկայացրել։ Ինչպես հայտնի է, նոյեմբերի 27-ին հաշտարար դատարանը որոշում էր ընդունել ամուսնալուծության վերաբերյալ։ «Արմեն Բորիսովիչը շատ վրդովված է դատարանի այդ որոշման բողոքարկման պատճառով»,-ասել է դերասանի փաստաբան Եվգենի Պարֆյոնովը։ «Նա պետք է կարգավորի իր ունեցվածքային հարցերը, սակայն քանի դեռ ամուսնության մեջ է, նա դա անել չի կարող»։