Էրդողանը Թրամփին հորդորել է

«Անադոլու» գործակալության փոխանցմամբ, Թուրքիայի նախագահ Ռեջեփ Թայիբ Էրդողանը  հեռախոսազրույց է ունեցել Միացյալ Նահանգների նախագահ Դոնալդ Թրամփի հետ :Կողմերը քննարկել են սիրիական Աֆրին նահանգում տեղի ունեցող ռազմական գործողությունները: Էրդողանը Թրամփին ասել է, որ «Ձիթենու ճյուղ» գործողությունների միջոցով Թուրքիան օգտագործում է «միջազգային իրավունքով ամրագրված ինքնապաշտպանվելու իր իրավունքը»: Միաժամանակ, Թուրքիայի նախագահը հորդորել է Միացյալ Նահանգներին ահաբեկչության դեմ պայքարի շրջանակում այլևս զենք չտրամադրել Սիրիայի քրդական ուժերին: Կողմերը համոզմունք են հայտնել երկկողմ հարաբերություններում շարունակել համագործակցությունը: