Հալեպի ջրամատակարարումը վերականգնվել է

Սիրիական Հալեպում 48-օրյա դադարից հետո վերսկսվել է ջրի մատակարարումը: Ինչպես հաղորդում է «Արմենպրես»-ը, այս մասին տեղեկացնում է Հալեպի «Գանձասար» շաբաթաթերթը: Հալեպի ջրի ընկերությունը հաղորդել է, որ վերսկսել է Հալեպի արևելյան գյուղերում գտնվող Խեֆսե ջրամատակարարման կենտրոնից ջրամատակարարումը դեպի Սլեյմեն Հալապի կենտրոն: Ընկերությունը կաշխատի մաքրել ջրի մատակարարման խողովակները, ինչից հետո ջուրը հասանելի կդառնա Հալեպի բնակչության համար: Հալեպը 48 օր է՝ զրկված էր ջրից, քանի որ ահաբեկչական խմբավորումների գրավել էին քաղաքից 60 կմ հեռավորության վրա գտնվող Խեֆսե ջրակայանը: