Պուտինի համար ստեղծված մեքենայի առաջին լուսանկարները

Ռուսական «Кортеж» նախագիծը ցանկանում է մեքենաների մի ամբողջ ընտանիք ստեղծել ՌԴ բարձր էշելոնի պետական պաշտոնյաների համար։ Համացանցում արդեն հայտնվել են այդ նախագծի մեքենաների առաջին լուսանկարները, գրում է segodnya.ua-ն: Լուսանկարում պատկերված է ամենագնաց, սակայն նկարի հեղինակը նշել է, որ դա ավտոմեքենայի նմուշ է, որը նախատեսված է փորձարկումների համար։ Այդ պատճառով էլ, հավանաբար, մեր առաջ դիզայնի վերջնական տարբերակը չէ, այլ ամենաառաջին մոդիֆիկացիաներից մեկը:   Վերջնական տեսքը կձևավորվի միայն հաջորդ շարքի նախատիպերում, որոնք տարեվերջից շուտ չեն հայտնվի:   Նախագծում կներառվեն մի քանի տեսակի մեքենաներ, այդ թվում` լիմուզին: Համաձայն գաղափարի` բոլոր ավտոմեքենաները կունենան Porsche շարժիչներ:   Նշվում է նաև, որ ՌԴ-ում ստեղծվող մեքենան շատ նման է չինական Hongqi LS5 ամենագնացին։