Ձերբակալվել է Բրազիլիայի նախկին նախագահը

Բրազիլիայի նախկին նախագահ Լուիս Ինասիո Լուլա դա Սիլվան ձերբակալվել է «Պետրոբրաս» պետական նավթային ընկերության  խոշոր խարդախության գործով հետաքննության շրջանակներում: Ինչպես հաղորդում է BBC-ն` դաշնային ոստիկանությունը խուզարկել է նախկին նախագահի տունը և 70-ամյա պաշտոնյան  կանչվել է հարցաքննության: Իրավապահների կարծիքով`    «Պետրոբրաս» նավթային ընկերությունում կոռուպցիոն հանցագործության հետ կապ ունեն  մի շարք բարձրաստիճան պաշտոնյաներ: Գործը մեծ հնչեղություն է ստացել, երբ 2014 թվականին ձերբակալվել է ընկերության նախկին տնօրեններից մեկը: Մինչ այժմ ձերբակալվել է ավելի քան 100 մարդ, այդ թվում՝ հայտնի քաղաքական գործիչներ և պաշտոնյաներ: