Իրանը և Օմանը կուսումնասիրեն Հորմուզի նեղուցով անցման վճարները
Իրանը և Օմանը համաձայնության են եկել ստեղծել համատեղ աշխատանքային խումբ՝ Հորմուզի նեղուցի ապագա նավարկության ռեժիմը, ներառյալ մատուցվող ծառայությունների ցանկը և դրանց օգտագործման հնարավոր վճարները քննարկելու համար: Այս մասին ասվում է Մուսկատում բանակցություններից հետո տարածված համատեղ հայտարարության մեջ:
Փաստաթղթում երկրները շեշտել են նեղուցի տարածքային ջրերի նկատմամբ իրենց ինքնիշխան իրավունքները և հայտարարել են միջազգային նորմերին համապատասխան դրա ապագա կառավարման համար համաձայնեցված մեխանիզմ մշակելու մտադրության մասին:
Բանակցություններին մասնակցել են Իրանի արտաքին գործերի նախարար Աբբաս Արաղչին, Իրանի խորհրդարանի խոսնակ Մոհամմադ Բաղեր Ղալիբաֆը և Օմանի սուլթան Հայթամ բին Թարիքը:
Հատկանշական է, որ նախորդ օրը Օմանի արտաքին գործերի նախարար Բադր ալ-Բուսաիդին հայտարարել էր երկու երկրների հանձնառության մասին նեղուցով «ազատ և անվտանգ անցման» սկզբունքին: Տարածաշրջանում պատերազմից առաջ Հորմուզի նեղուցով նավագնացության համար տարանցիկ վճարներ չէին գանձվում:
Հետևեք մեզ Viber-ում
