ՀՀ 4-րդ նախագահ Արմեն Սարգսյանը քիչ առաջ դուրս եկավ նախագահական նստավայրից.ՀԺ
«Հայկական ժամանակ»-ի տեղեկություններով, րոպեներ առաջ նախագահական նստավայրից դուրս եկավ ՀՀԿ-ի նախագահի թեկնածու, Մեծ Բրիտանիայում եւ Հյուսիսային Իռլանդիայում ՀՀ արտակարգ եւ լիազոր դեսպան Արմեն Սարգսյանը: Մեզ հայտնի դարձավ, որ Արմեն Սարգսյանը Բաղրամյան 26 է գնացել միայնակ: Հանդիպմանը մասնակիցների լայն շրջանակ չի եղել: Ե՛ւ Արմեն Սարգսյանը ե՛ւ Սերժ Սարգսյանը հանդես են եկել ելույթով: Առաջիկա մեկ ժամվա ընթացքում արդեն նախագահական նստավայրից պաշտոնապես կհրապարակեն հանդիպման մասին տեղեկատվությունը, ինչպես նաեւ ելույթների տեսագրությունները: Հիշեցնենք, երեկ երեկոյան տեղի ունեցած ՀՀԿ Գործադիր մարմնի նիստից հետո ՀՀԿ խոսնակ Էդուարդ Շարմազանովը հայտարարել էր, որ նիստում քննարկվել է ՀՀ 4-րդ նախագահի թեկնածության հարցը: Լուսանկարում՝ Արմեն Սարգսյանը ուղեկցում է Սերժ Սարգսյանին Վեսթմինսթրյան աբբայությունում 1915թ. Հայոց ցեղասպանության նոր սրբադասված նահատակների հիշատակի ոգեկոչման արարողության ժամանակ
Հետևեք մեզ Viber-ում
