«Շարմազանովը Ազգային ժողովի կարևորության մասին հիշում է, երբ փողոցն ակտիվանում է». Արայիկ Հարությունյան

«Հայելի» մամուլի ակումբում այսօր խոսելով ԵԼՔ-ի կազմակերպած երթից՝ Արայիկ Հարությունյանը նշեց հետևյալը. «Թանկացումները, որոնք կան հիմա պայմա­նավորված են հարկային օրենսգրքի փոփոխություններով և մենք առաջարկում ենք օրենսգրքում կատարված փոփոխությունների չեղարկում»: Բանախոսը ընդգծեց, որ երթի նպատակն ու պահանջը շատ հստակ են՝ հանրու­թ­յանը դուրս բերել փողոց և օգտագործել այդ հնարավորությունները, որպեսզի  չե­ղար­կեն հարկային օրենսգրքում կատարված փոփոխությունները: Նա տարօրինակ համարեց այն հանգամանքը, որ Շարմազանովն ու իր գործ­ընկեր­ները Ազգային ժողովի կարևորության մասին հիշում են, երբ փողոցը ակտի­վանում է: «Շարմազանովը մեզ առաջարկեց բանակցել ԱԺ-ում, բայց մենք չհամաձայ­նե­ցինք: Բոլոր նախադրյալները ստեղծել ենք, որ հանրությունը գա մեզ հետ և նրա արձագանքից է կախված, թե մենք ինչքան հեռուն կգնանք այս հարցում»,- ամփոփեց բանախոսը: Քրիստինե Աղաբեկյան