«ԵԼՔ-ը քարտ բլանշ է տվել ՀՀԿ-ին, քանի որ…» . Ազատ Արշակյան
«Հայելի» մամուլի ակումբի այսօրվա նիստում Ազատ Արշակյանը նշեց, որ քաղաքական ընդդիմությունը ենթադրում է փոխել, բարելավել իրավիճակը, իսկ ԵԼՔ-ի՝ ստեղծված իրավիճակին անընդհատ հաշվի նստելու հանգամանքը, անհանգստացնում է բանախոսին: «ԵԼՔ-ը և այն մարդիկ, ովքեր հաշվի են նստել ՀՀԿ-ի ստեղծված իրավիճակի հետ քարտ բլանշ են տվել այս կուսակցությանը»,-ասաց բանախոսը: Անդրադառնալով հունվարի 19-ին կայանալիք երթին՝ բանախոսը նկատեց. «Երթի օրակարգը դեռևս ձևավորման մեջ է: Նրանք այսօր պայքարում են հետևանքի դեմ, բայց լավ կլիներ արմատական փոփոխության խնդիր դնեին: ԵԼՔ-ը դեռ հստակ չի ձևակերպել իր պայքարը: Ուր որ քաղաքացիներին հրավիրում են վտանգավոր է, կասկածելի, վստահություն չկա»: Քրիստինե Աղաբեկյան
Հետևեք մեզ Viber-ում
