Այսինքն՝ մասնատում և ուտում են Հայաստանի այսօրվա քարտեզը

Տեսել եք, չէ՞, որ Նիկոլ Փաշինյանը քարոզարշավի ժամանակ մարդկանց բաժանում է Հայաստանի այսօրվա քարտեզի տեսքով թխվածքաբլիթներ։ Մարդիկ, բնականաբար, ուտում են դրանք։ Այսինքն՝ մասնատում և ուտում են Հայաստանի այսօրվա քարտեզը։
Ես դավադրության տեսությունների կողմնակից չեմ, բայց քանի որ Նիկոլի բոլոր քայլերը սիմվոլիստական են, ապա պատահական չեմ համարում, որ Հայաստանի այսօրվա քարտեզը նրա ձեռքին վերածվում է հեշտ փշրվող, բերանում հալվող ինչ-որ բանի, մի թխվածքաբլիթի, որը կարելի է ուտել։
Ոչինչ պատահական չէ Նիկոլի արարքներում, և մարդկանց ենթագիտակցության մեջ էլ նա փորձում է դնել Հայաստանի տարածքի մասին այդքան անկայուն վերաբերմունքը։ Ուտել Հայաստանը, ահա այն արժեքը, որը նա բաժանում է ընտրողներին։ Մինչդեռ մեր երկրի քարտեզը պիտի լինի երկաթե հիմքով, որը երբեք հնարավոր չլինի խեղել։

Նաիրի Հոխիկյանի գրառումը