Սա ֆիասկո է, Նիկո’լ․ Աշոտյանը միջազգային իրավապաշտպան կառույցի զեկույցի տարբերակն է հրապարակել

«Freedom House» միջազգային իրավապաշտպան կառույցը, որը մինչ այս հրապարակել էր Ժողովրդավարության մասին իր տարեկան զեկույցը և որով Հայաստանը, հավաքելով 54 միավոր 100-ից, դասվում էր «մասնակի ազատ» երկրների շարքին, հրապարակել է նաև այդ զեկույցի դետալիզացված տարբերակը։

Տեղեկությունը հայտնում է ՀՀԿ փոխնախագահ Արմեն Աշոտյանը՝ նշելով.

«Ճակատագրի հեգնանքով դա տեղի ունեցավ Եվրոպական քաղաքական համաժողովի և ԵՄ-Հայաստան գագաթնաժողովներից անմիջապես հետո՝ հերթական հարվածը հասցնելով Հայաստանի «ժողբաստիոն» հեքիաթին։

Հեղինակավոր միջազգային իրավապաշտպանական կառույցը հերթական անգամ արձանագրել է Հայաստանում մի շարք ուղղություններով ժողովրդավարության խայտառակ վիճակ, ուստի ներկայացնում եմ ձեզ որոշ ցուցանիշների թվային պատկերը։

• Արդյոք կառավարության ներկայիս ղեկավարը կամ այլ գլխավոր ազգային իշխանությունն ընտրվե՞լ է ազատ և արդար ընտրությունների միջոցով։

2 միավոր՝ 4-ից։

• Արդյոք գործող ազգային օրենսդիր մարմնի ներկայացուցիչները ընտրվե՞լ են ազատ և արդար ընտրությունների միջոցով։

2 միավոր՝ 4-ից։

• Արդյոք ազատ ընտրված կառավարության ղեկավարը և ազգային օրենսդիր մարմնի ներկայացուցիչնե՞րն են որոշում կառավարության քաղաքականությունը։

2 միավոր՝ 4-ից։

• Արդյոք պաշտոնական կոռուպցիայի դեմ պաշտպանության միջոցները ուժեղ և արդյունավե՞տ են։

2 միավոր՝ 4-ից։

• Արդյոք կառավարությունը գործո՞ւմ է բաց և թափանցիկ։

2 միավոր՝ 4-ից։

• Կա՞ն արդյոք ազատ և անկախ լրատվամիջոցներ։

2 միավոր՝ 4-ից։

• Արդյոք անհատները ազա՞տ են դավանելու և արտահայտելու իրենց կրոնական հավատքը կամ անհավատությունը հրապարակավ և անձնական կյանքում։

2 միավոր՝ 4-ից։

• Կա՞ արդյոք ակադեմիական ազատություն, և արդյոք կրթական համակարգը ազա՞տ է լայնածավալ քաղաքական գաղափարախոսությունից։

2 միավոր՝ 4-ից։

• Կա՞ արդյոք անկախ դատական համակարգ։

1 միավոր՝ 4-ից։

• Արդյոք քաղաքացիական և քրեական գործերով գերակշռո՞ւմ է պատշաճ դատավարությունը։

1 միավոր՝ 4-ից։

• Կա՞ արդյոք պաշտպանություն ֆիզիկական ուժի անօրինական կիրառումից և ազատություն պատերազմից ու ապստամբություններից։

1 միավոր՝ 4-ից։

• Արդյոք օրենքները, քաղաքականությունը և գործելակերպը երաշխավորո՞ւմ են բնակչության տարբեր խմբերի հավասար վերաբերմունքը։

2 միավոր՝ 4-ից։

Այս գնահատականները չափալախ են Նիկոլի ստերին.

1. Իշխանությունները չեն ձևավորվել լիարժեք անկախ և արդար ընտրությունների միջոցով։

2. Իշխանությունները բավարար ինքնուրույն չեն։

3. Պաշտոնական կոռուպցիայի դեմ միջոցները քիչ արդյունավետ են։

4. Կառավարությունը բավարար թափանցիկ չէ։

5. Մեդիաները բավարար ազատ և անկախ չեն։

6. Խղճի և դավանանքի ազատությունը լիարժեք չէ։

7. Ակադեմիական ազատությունները բավարար չեն։

8. Անկախ դատական համակարգ չկա։

9. Պատշաճ դատավարություն չկա։

10. Քաղաքացիները պաշտպանված չեն ( չէ մի չէ՝ «խաղաղության դարաշրջան»)

11. Քաղաքացիների հավասարությունը լիարժեք չէ։

Սա ֆիասկո է, Նիկո’լ»։