Ես քահանայի թոռ եմ, «Հայր Մերը» 3 լեզվով գիտեմ. Ռոբերտ Քոչարյան

Ես 10 տարի նախագահ եմ եղել, իմ բոլոր ծանոթ բարեկամները, ուսանողական ընկերները, բոլորը ինձանից նեղացած են, որովհետև պաշտոններ չեն ստացել։ Այս մասին երիտասարների և «Հայաստան» խմբակցության պատգամավորների հանդիպման ժամանակ նշեց ՀՀ երկրորդ նախագահ Ռոբերտ Քոչարյանը։

Խոսելով Հայաստանի՝ աշխարհի հետ բաց լինելու մասին, նա հիշեցրեց, որ իր նախագահության տարիներին Հայաստանը դարձել է Եվրախորհրդի անդամ. «Շատ ավելի լայն աշխարհագրություն էր իմ այցերի, շատ ավելի շատ երկրների հետ մենք պայմանագրեր են կնքել և այն ժամանակ դուք Եվրոպա կամ այլ տեղ գնալու համար վիզաները շատ ավելի հեշտ էիք ստանում քան հիմա։ Հատկապես վիզաների հարցով, ես ուղղակի համոզված եմ, որ շատ կարճ ժամանակում կարելի է հասնել նրան, որ առանց վիզաների հնարավոր կլինի ճամփորդել Եվրոպա»։

Անդրադառնալով կոռուպցիայի դեմ պայքարին, Քոչարյանն ասաց. «Մի կողմից պետք է համակարգն այնպես աշխատի, որ կոռուպցիոն ռիսկերը հնարավորություն չունենան ուղղակի դրսևորվելու, մյուս կողմից եթե այդ դեպքերը կան, ուրեմն խիստ պատիժներ պետք է սահմանվեն։ Ավելի մեծ պրոբլեմը եղել է պաշտոնյաների փոխկապվածությունը բիզնեսների հետ, այ սա պետք է բացառվի»։

Հարցին՝ վերջը հայր մերը գիտե՞ք, Քոչարյանը պատասխանեց. «Երեք լեզվով։ Ես քահանայի թոռ եմ, իմ հորական կողմի պապը քահանա է եղել, Աստղաշեն գյուղում, նախկին անունը Դաշբուլաղ էր։ Վերջին քահանան է եղել, որովհետև 1926-1927 թվականներին Ղարաբաղում բոլոր եկեղեցիները փակվել են Ադրբեջանի իշխանությունների կողմից։ Ո՞նց կարա քահանայի թոռը չիմանա «Հայր մերը»։ Գյուղում մեր ազգին ասում էին Դերունց, իսկ պապիս անունն էր Սարգիս Քոչարյանը։

Անդրադառնալով կոռուպցիայի դեմ պայքարին, Քոչարյանն ասաց. «Մի կողմից պետք է համակարգն այնպես աշխատի, որ կոռուպցիոն ռիսկերը հնարավորություն չունենան ուղղակի դրսևորվելու, մյուս կողմից եթե այդ դեպքերը կան, ուրեմն խիստ պատիժներ պետք է սահմանվեն։ Ավելի մեծ պրոբլեմը եղել է պաշտոնյաների փոխկապվածությունը բիզնեսների հետ, այ սա պետք է բացառվի»։