Ով է խաբել Ռոնալդուին. նա ցանկանում է տեղափոխվել ՄՅՈւ
Մադրիդի «Ռեալի» հարձակվող Կրիշտիանու Ռոնալդուն որոշել է ամռանը հեռանալ իր ներկայիս ակումբից, հայտնում է «AS»-ը: Աղբյուրի փոխանցմամբ, պորտուգալացի ֆուտբոլիստն այս մասին հայտնել է իր թիմակիցներից ոմանց: Գրում է ՝ armsport.am-ը: Ռոնալդուի համար առաջնային տարբերակը կարիերան «Մանչեսթեր Յունայթեդում»շարունակելն է, որտեղից նա 2009 թվականին տեղափոխվել է «Արքայական ակումբ»: Անգլիական գրանդում, որի կազմում նա նվաճել է իր առաջին «Ոսկե Գնդակը», արդեն գիտեն Ռոնալդուի ցանկության մասին: Ֆուտբոլիստի այս դիրոքորոշումը պայմանավորված է նրանով, որ Ռոնալդուն իրեն միանգամայն խաբված է զգում «Ռեալում»: Ակումբի նախագահ Ֆլորենտինո Պերեսըգարնանը խոստացել էր բարելավել պայմանագրի ֆինանսական պայմանները, բայց դա այդպես էլ տեղի չունեցավ: Ավելի վաղ հաղորդվում էր, որ Ռոնալդուն գոհ չէ նրանից, որ ավելի քիչ է վաստակում, քան մի քանի այլ ֆուտբոլիստներ: Պորտուգալիայի հավաքականի հարձակվողը տարեկան 21 մլն եվրո է վաստակում, բայց ամենաբարձր վարձատրվող ֆուտբոլիստների ցանկում միայն 5-րդն է: Օրինակ, «Բարսելոնայի» հարձակվող Լիոնել Մեսսին տարեկան 50 մլն եվրո է վաստակում, մինչդեռ ՊՍԺ-ի հարձակվող Նեյմարի տարեկան եկամուտը կազմում է 36 մլն եվրո: Հիշեցնենք` Ռոնալդուի գործող պայմանագիրը «Ռեալի» հետ ուժի մեջ է մինչև 2021 թվականի ամառը:
Հետևեք մեզ Viber-ում
