Ադրբեջանը մեծացնում է Վրաստանի հետ ցամաքային փոխադրումների քվոտաները

Ադրբեջանական «Report» գործակալության փոխանցմամբ՝ Ադրբեջանը և Վրաստանը պայմանավորվել են արագացնել ցամաքային տրանսպորտի համար էլեկտրոնային թույլտվությունների տրամադրման գործընթացը։

«Report»-ը, հղում անելով Ադրբեջանի ցամաքային տրանսպորտի գործակալությանը (AYNA), գրել է, որ ապրիլի 8-9-ը Բաքվում կայացել է միջազգային ճանապարհային տրանսպորտի հարցերով ադրբեջանա-վրացական հանձնաժողովի հերթական նիստը։

Նոր համակարգի ներդրումն արագացնելու և անհրաժեշտ աշխատանքները սկսելու նպատակով որոշում է կայացվել մայիսից ստեղծել համատեղ տեխնիկական աշխատանքային խումբ։

Հանդիպման ընթացքում կողմերը պայմանավորվել են 2026 թվականի համար լրացուցիչ քվոտաների փոխանակման շուրջ.

• 10 հազար լրացուցիչ թույլտվություն երկկողմ և տարանցիկ փոխադրումների համար;

• 2500 թույլտվություն երրորդ երկրներից փոխադրումների համար։

Հիմնվելով վիճակագրական վերլուծության և բեռնաշրջանառության աճի վրա՝ 2027 թվականի համար թույլտվությունների մեկնարկային տարեկան քվոտան ավելացվել է.

• Երկկողմ և տարանցիկ փոխադրումների համար՝ 18%-ով (մինչև 65 հազար);

• Երրորդ երկրներից փոխադրումների համար՝ 50%-ով (մինչև 7500)։

Գործակալության տվյալներով՝ Ադրբեջանն արդեն հաջողությամբ ներդրել է էլեկտրոնային թույլտվությունների համակարգը Թուրքիայի, Ուզբեկստանի և Ղրղզստանի հետ, իսկ Ղազախստանի հետ աշխատանքները գտնվում են եզրափակիչ փուլում։

Aliq.ge