ԱՄՆ-ն պատրաստվո՞ւմ է ավելի մեծ պատերազմի․ ի՞նչ վտանգների առջև է կանգնած Իրանը (video)
Իրանը չի բացառում, որ Իսլամաբադի բանակցությունները կարող են լինել ԱՄՆ-ի համար գործիք՝ ժամանակ շահելու եւ հարձակմանը պատրաստվելու համար, ՏԱՍՍ-ին ասել է Հնդկաստանում գերագույն առաջնորդի ներկայացուցիչ Աբդուլ Մաջիդ Հակիմ Իլահին։
«Հնարավոր է՝ այս բանակցությունները միջոց եւ գործիք են՝ ավելի շատ ժամանակ շահելու, «թարմանալու», ավելի պատրաստված լինելու համար, եւ նրանք [ԱՄՆ-ը] կհարձակվեն մեզ վրա։ Իհարկե, մեր եւ Ամերիկայի Միացյալ Նահանգների միջեւ վստահություն չկա»,- ասել է նա։
Ապրիլի 7-ին ԱՄՆ նախագահ Դոնալդ Թրամփը հայտարարեց Իրանի հետ երկշաբաթյա փոխադարձ հրադադարի մասին։ Նրա խոսքով՝ կողմերը լուծել են գրեթե բոլոր վիճելի հարցերը, եւ Վաշինգտոնը Թեհրանի 10 կետանոց առաջարկները դիտարկում է որպես «աշխատանքային հիմք» հետագա բանակցությունների համար։ Թրամփը հայտարարել է, որ որոշումը կայացվել է Հորմուզի նեղուցը բացելու Իրանի պատրաստակամության հիման վրա։ Թեհրանը, իր հերթին, համաձայնել է դադարեցնել «պաշտպանական գրոհները», եթե իսլամական հանրապետությունը չհարձակվի։ Պակիստանի վարչապետ Շահբազ Շարիֆը, որը կողմերի միջեւ միջնորդ է, նրանց հրավիրել է բանակցությունների ապրիլի 10-ին: Իրանի պետական հեռուստատեսության տվյալներով՝ բանակցությունները, ենթադրաբար, կլինեն ուղիղ:
Հետևեք մեզ Viber-ում
