Շարմազանովը՝ Ճըվճվ Արոյի աներոջ՝ Գազի Կոլյայի եւ վարչապետի մտերմության մասին
«Հայաստանում որևէ քաղաքացի՝ անկախ իր ծագումից, պաշտոնից, փողի քանակից, հայրիկի կամ մայրիկի կամ քեռու և հորեղբոր պաշտոնից, օրենքից վեր չի կարող լինել: Բոլորը օրենքի առաջ պետք է լինեն հավասար: Որևէ մեկն օրենքից վեր չի կարող լինել»,- Ազգային ժողովի փոխնախագահ Էդուարդ Շարմազանովն երեկ ՀՀԿ ԳՄ նիստից հետո անդրադարձել է օրերս Երևանի կենտրոնում տեղի ունեցած ողբերգական վթարին, որի հետևանքով երկու երիտասարդ ոստիկան է զոհվել: «Կա՞ աշխարհում մի ոլորտ, որտեղ ամեն ինչ իդեալական է: Իմ կարծիքով՝ ոչ: Դուք մատնանշում եք ուժային համակարգերի, իրավապահ մարմինների թերությունները. Թերություններ կան այնտեղ, որտեղ կա աշխատանք: Ես էլ կարող եմ բերել բազմաթիվ առավելություններ նույն ուժային կառույցների արդյունավետ աշխատանքի մասին: Այսօր ԱՄՆ Պետդեպը հստակ սանդղակ ներկայացրեց երկրների, որտեղ այցելությունն անվտանգ է կամ անվտանգ չէ, որտեղ կա ահաբեկչական վտանգ և որտեղ վտանգավոր չէ: Հայաստանն այդ ցանկում ամենաանվտանգ երկրների թվում է: Սա օդից չի եկել, սա Հայաստանի Հանրապետության Նախագահի, արդարադատության համակարգի, իրավապահ մարմինների ամենօրյա աշխատանքի արդյունք է: Եվ խնդրում եմ թերությունները մատնանշելուց բացի նշեք նաև առավելությունները»,հարցին ,թե արդյոք այդ վթարը հետևանք չէր իրավապահ մարմինների ոչ հետևողական աշխատանքի, ինչի արդյունքում երիտասարդը, ով նախկինում կատարած քայլերի համար չէր պատժվել, դարձավ ողբերգական վթարի պատճառ,պատասխանեց Շարմազանովը: Դեպքից հետո քննարկվել է , որ Ճըվճվ Արոյի որդիներին տարբեր ժամանակներում իրենց կատարած հանցավոր արարքների համար պատասխանատվության չեն ենթարկվել, որովհետեւ Ճըվճվ Արոյի կնոջ հայրը՝ Նիկոլայ Գաբրիելյանը, որը հնարությանը հայտնի է Գազի Կոլյան ազդեցիկ անձ է իշխանությունների համար: ՀՀԿ ԳՄ նիստից հետո «Հայկական ժամանակ»-ը ՀՀԿ խոսնակ Էդուարդ Շարմազանովից հետաքրքրվել է , թե ճիշտ են այդ տեղեկությունները եւ եթե վերջիններս իշխանությունների հետ մտերմիկ հարաբերություններ մեջ չեն, ապա ինչպես է ստացվում, որ տարբեր հանցագործութուններ գործելով միշտ ստորագրությամբ ազատ են արձակվել: «Ես չեմ կարող մեկնաբանել, մամուլում գրված հրապարակումները: Հորդորում եմ լրագրող իմ գործընկերներին, երբ գալիս են ասուլիսի հարցեր ուղղեն այն պաշտոնյաներին, ովքեր դրա համար ունեն լիազորություններ: Գործադիր մարմնի նիստում նման հարց չի քննարկվել: Ես չեմ, որ պետք է մամուլի ցանկացած հրապարակման մեկնաբանություն տամ»,- ասաց նա: Նիկոլայ Գաբիրելյանը վարչապետ Կարեն Կարապետյանի մտերիմին է, բիզնես գործընկերն է: Նիկոլայ Գաբիրելյանի դուստրը եւ Կարեն Կարապետյանը համասեփականատեր են «Ֆլորենս» ռեստորանային համալիրում եւ հարցը հնչում է նրա համար, որ նրանց պապը ՀՀԿ-ի փոխնախագահին մոտ անձ է: Շարմազանովը մեկնաբանեց. «Շտերն են միմյանց հետ ընկերական կապի մեջ, Աստված ոչ անի, եթե մեկի հետ խնդիր լինի, դուք պատասխանատու՞ եք: Մարդիկ իրենց եղբոր արարքների համար պատասխանատու չեն, իսկ Նիկոլայ Գաբիրելյանը նույնիսկ քաղաքական պատասխանատվություն չի կրում: Հիմա եկել եք Գործադիր մարմնի նիստին, որ ասեք այդ մարդը վարչապետի գործընկերն է »,- նշեց Շարմազանովը:
Հետևեք մեզ Viber-ում
