Իրանը ռուսական T-90 տանկեր կգնի

Իրանական ILNA լրատվական գործակալության փոխանցմամբ՝ Իրանը մոտ ժամանակներս կներկայացնի հայրենական մշակման «Կարար» տանկը։ Այդ մասին հայտարարել է Իրանի ցամաքային զորքերի հրամանատար, բրիգադի գեներալ Ահմադ Ռեզ Պուրդաստանը։ Նրա խոսքերով՝ «Կարար» տանկը մոտ ժամանակներս կընդգրկվի իրանական բանակի սպառազինության մեջ։ Պուրդաստանը հավելել է, որ Իրանը պլանավորում է գնել ռուսական T-90 տանկեր։ Վերջին ամիսներին իրանցի զինվորականները մի շարք իրարամերժ հայտարարություններ են արել T-90 տանկերի շուրջ՝ մե՛րթ հայտարարելով դրանցով հետաքրքրված լինելու մասին, մե՛րթ պնդելով հակառակը։