Ստամբուլի ահաբեկչության պատասխանատուն հայտնի է

Sky News Arabia հեռուստաալիքի փոխանցմամբ՝ այսօր Ստամբուլում իրականացված ահաբեկչության պատասխանատվությունը ստանձնել է ձախակողմյան Հեղափոխական ժողովրդական ազատագրական կուսակցություն-ճակատը (DHKP-C)։ DHKP-C-ն ընդգծել է, որ այն իրականացրել են իր կողմնակիցները։ Ավելի վաղ հաղորդվել էր միայն, որ այսօր Ստամբուլում ահաբեկչություն իրականացրած և սպանված երկու կանայք հանդիսացել են DHKP-C-ի անդամներ, որին Թուրքիայում համարում են ահաբեկչական կազմակերպություն։ Թուրքական ոստիկանությունը հայտնել է, որ ահաբեկչության հեղինակներն են Բերնա Յըլմազն ու Չիղդեմ Յահշին։