Փաստաբան Ռուբեն Հակոբյանը կմնա տնային կալանքի տակ

Դատարանը փաստաբան Ռուբեն Հակոբյանի նկատմամբ խափանման միջոց է ընտրել տնային կալանքը։

Ավելի վաղ Հակակոռուպցիոն կոմիտեն հայտնել էր, որ քրեական վարույթով բավարար ապացույցների համակցություն է ձեռք բերվել առ այն, որ ՀՀ փաստաբանների պալատի անդամ փաստաբանը սպանության դեպքի առթիվ առաջին ատյանի ընդհանուր իրավասության դատարաններից մեկում քննվող քրեական գործով ներգրավված է եղել որպես սպանությունը կատարած մեղադրյալի պաշտպան, և ականատես վկային մեղադրյալի եղբոր հետ հարկադրել են դատարանում կայանալիք հերթական դատական նիստում փոխել մեղադրանքի հիմքում դրված նախաքննական և արդեն իսկ տված դատաքննական ցուցմունքները, տալ սուտ ցուցմունք, որը կնպաստի մեղադրյալի՝ պատասխանատվությունից խուսափելուն։