Իսրայելը Լիբանանին հարվածելիս կիրառել է ֆոսֆոր պարունակող արկեր. «ՌԻԱ Նովոստի»
Իսրայելական ավիացիան կիրառել է ֆոսֆորային արկեր Լիբանանի հարավի բնակավայրերին հարվածելիս, «ՌԻԱ Նովոստիին» հայտնել է Լիբանանի ռազմադաշտային աղբյուրը։
«Իսրայելական թշնամական բանակը կիրառել է ֆոսֆոր պարունակող արկեր Լիբանանի հարավում 15 բնակավայրերի ռմբակոծման ժամանակ»,- ասել է գործակալության զրուցակիցը։
Հիշեցնենք, որ ԱՄՆ-ը եւ Իսրայելը փետրվարի 28-ից գրոհում են Իրանի տարածքը՝ պատճառելով ավերածություններ եւ մարդկային կորուստներ։ Ի պատասխան՝ Իրանը հրթիռային հարվածներ է հասցրել Իսրայելին եւ տարածաշրջանում գտնվող ԱՄՆ ռազմաբազաներին։ Իսրայելի եւ ԱՄՆ գրոհների հետեւանքով զոհվել են նաեւ Իրանի գերագույն առաջնորդ այաթոլա Ալի Սեյեդ Խամենեին եւ այլ բարձրաստիճան պաշտոնյաներ։
Մարտի 2-ին «Հեզբոլլահը» նույնպես մտել է Իսրայելի դեմ պատերազմի մեջ։ Իսրայելը հայտարարել է շարժման դեմ հարձակողական գործողության մեկնարկի մասին եւ մտել է հարավային Լիբանան։
Հետևեք մեզ Viber-ում
