Իրանը մշակում է հրթիռներ, որոնք կարող են հարձակվել ԱՄՆ-ի վրա. Թրամփ

Երեքշաբթի երեկոյան Ներկայացուցիչների պալատում և Սենատում իր ելույթի ժամանակ ԱՄՆ նախագահ Դոնալդ Թրամփը հայտարարել է, որ Իրանը մշակում է հրթիռներ, որոնք կարող են հարձակվել ԱՄՆ-ի վրա, հաղորդում է NBC News-ը։

 «Նրանք արդեն մշակել են հրթիռներ, որոնք կարող են սպառնալ Եվրոպային և մեր արտասահմանյան բազաներին, և նրանք աշխատում են հրթիռների վրա, որոնք շուտով կհասնեն Ամերիկայի Միացյալ Նահանգներ», – ասել է Թրամփը։

Նա նաև նշել է, որ ցանկանում է «դիվանագիտական ​​ճանապարհով վերջ դնել Իրանի միջուկային ծրագրին», միաժամանակ պարծենալով ԱՄՆ ռազմական հզորությամբ։

«Մենք բանակցություններ ենք վարում նրանց հետ։ Նրանք ցանկանում են գործարք կնքել, բայց մենք չենք լսել այդ գաղտնի խոսքերը. «Մենք երբեք միջուկային զենք չենք ունենա»», – ասել է Թրամփը։ «Ես նախընտրում եմ, այո, նախընտրում եմ այս հարցը լուծել դիվանագիտական ​​ճանապարհով։ Բայց մեկ բան հաստատ է. ես երբեք թույլ չեմ տա, որ աշխարհի առաջատար ահաբեկչության հովանավորը, որը նրանք անկասկած են, ունենա միջուկային զենք։ Ես չեմ կարող դա թույլ տալ։ Ոչ մի երկիր չպետք է կասկածի ամերիկացիների վճռականության վրա։ Մենք ունենք Երկրի վրա ամենահզոր բանակը»։

Նույնիսկ Իրանի միջուկային նկրտումների մասին հայտարարությունից առաջ Թրամփը սպառնացել էր հարվածել երկրին այնտեղ տեղի ունեցած զանգվածային հակակառավարական բողոքի ցույցերի ժամանակ։

Նշենք, որ Իրանը շարունակում է հերքել միջուկային զենք մշակելու մասին պնդումները։