«Ո՞վ է նկարել քաղաքացուն խոշտանգող ոստիկանին»․ Արփինե Սարգսյանը խուսափու՞մ է պատասխանից (video)
Առերևույթ խոշտանգման կամ վատ վերաբերմունքի դեպքերն ուղղակի չեն տեղավորվում ՆԳՆ ռեֆորմների օրակարգում․ ամփոփիչ ասուլիսում հայտարարեց ՆԳ նախարար Արփինե Սարգսյանը։
Նրա խոսքով՝ եթե նույնիսկ լինում են նման դեպքեր, նախարարությունն արձագանքում է անկախ նրանից՝ կա՞ տեղեկատվության արտահոսք, թե՞ ոչ։
Ինչ վերաբերում է վերջերս հրապարակված տեսանյութին, որտեղ ոստիկանության ծառայողի կողմից առերևույթ խոշտանգման դեպք է արձանագրված, նախարարն ասաց, որ տվյալ անձի նկատմամբ կա հարուցված վարույթ, նա ունի մեղադրյալի կարգավիճակ և կիրառված է խափանման միջոց։
«Պետությունն արել է այն ամենը, ինչ պետք է աներ․ ծառայողի լիազորությունները կասեցվել են, վարույթը շարունակվում է։ Մենք չենք սպասում քաղաքացու բողոքին․ եթե կա դեպք, այն արձանագրվում է»,– ասաց նա։
Հետևեք մեզ Viber-ում
