Երեկ գիշեր Փաշինյանը մեր շահը վաճառքի հանեց Amazon-ում. Նարեկ Կարապետյան (video)

Երեկ Հայաստանի քաղաքացիների շահը վաճառքի դրվեց Ամազոնում, այս մասին ֆեյսբուքյան եթերում ասաց «Մեր ձևով» շարժման համակարգող Նարեկ Կարապետյանը։

«ԱՄՆ փոխնախագահը երեկ հայտարարությունով հանդես եկավ, որտեղ ներկայացնում էր իր երկրի շահը։ Նա արեց հայտարարություն, որը մեր կառավարության թարգմանիչները հատուկ թարգմանեցին այսպես. «Սկզբնական մոտ 5 միլիարդ գումարի մասին ենք խոսում՝ ներդրումների, հետագայում՝ 2-րդ փուլում, ևս 4 միլիարդ։ Սա փոխշահավետ իրավիճակ է և՛ Հայաստանի համար, և՛ իմ երկրի համար՝ էներգետիկ անվտանգության»»,- ներկայացրեց Նարեկ Կարապետյանը։

Իսկ ի՞նչ էր իրականում ասել ԱՄՆ փոխնախագահ Ջեյ Դի Վենսը։

Նարեկ Կարապետյանն ասաց, թե ներկայացնում է բնօրինակը.

«Սա նշանակում է ԱՄՆ-ի՝ մինչև 5 միլիարդ դոլարի արտահանում սկզբնական փուլում, գումարած ևս 4 միլիարդի երկարաժամկետ պահպանման ծախսեր՝ վառելիքի և տեխնիկական սպասարկման պայմանագրերով»։

Կարապետյանի խոսքով՝ երբ համեմատում ենք բնօրինակը և կառավարության թարգմանչի ասածը, հասկանում ենք, թե ինչ մեծ սուտ են ցանկանում մեզ վաճառել։