Զրպարտել ու ամոթանք են տվել. Ջիգարխանյանի նախկին կինը վայելում է դերասանի փողերը

20:44 - 4/հունվարի/2018

Աղմկահարույց ամուսնալուծությունից հետո Արմեն Ջիգարխանյանի կինը` Վիտալինա Ցիմբալյուկ-Ռոմանովսկայան, դարձել է տարվա ամենաշատ քննարկվող անձը, գրում է Дни.ру պարբերականը։ Ըստ պարբերականի` նախկինում աննկատ Վիտալինան իսկական հարուստ էլիտայի ներկայացուցիչ է դարձել. հիմա ուկրաինացի դաշնակահարուհուն հրավիրում են մեծ պրեմիերաների, նա էլիտար գեղեցկության սրահներում թանկարժեք պրոցեդուրաներ է անցում ու թանկարժեք ռեստորաններ հաճախում։

COURTESY OF OLGA SLUSAREVA

«Սակայն հասարակությունը երկու հակամարտող կողմերի է բաժանվել։ Ոմանք պնդում են, որ շուտով Վիտալինան բանտում է հայտնվելու (նա քրեական գործի մեջ է ներգրաված) ու թող մի լավ ուրախանա։ Մյուսներն էլ կարծում են, որ Ցիմբալյուկ-Ռոմանովսկայային ի զուր են զրպարտել ու ամոթանք տվել», — գրում է պարբերականը։ «Մի՞թե այսպիսի գողեր են լինում։ Նա հրեշտակ է», — հիանում է դաշնակահարուհու ընկերուհին՝ սոցիալական կայքում նրա նոր լուսանկարը մեկնաբանելիս։ «Վիտալինկա, գիտես, ինչքան մարդ է քեզ սիրում», — գրում է մյուսը։ «Փայլուն Վիտալինա։ Իսկական գեղեցկության թագուհի», — կարծում է դաշնակահարուհու ընկերը։ «Թող 2018 թվականն առաջին աստիճանը լինի՝ երազանքների իրականացման ու նոր ձեռքբերումների ճանապարհին», — մաղթում է հերթական ընկերը։ Дни.ру պարբերականը գրում է, որ «հրեշտականման կիևցու» ամենակարևոր ցանկությունը իրականացել է՝ նա դարձել է Մոսկվայում 100 միլիոն ռուբլի արժողությամբ միանգամից երեք բնակարանների սեփականատեր։ Այդ բնակարանները նա իբր գնել է հոր գումարով, որը մեծ ուկրաինական ընկերությունում էր աշխատում։ Թեև ավելի ուշ «կիևցի օլիգարխը» Ջիգարխանյանի թատրոնում սովորական ինժեներ է աշխատել, գրում է պարբերականը։ ԽՍՀՄ ժողովրդական արտիստի նախկին կինը Նոր տարին դիմավորել է ծնողների ընկերակցությամբ։ armeniasputnik.am