«Գնդերեցներին կաշառե՞լ եք»․ Պապիկյանը նեղվեց լրագրողների հարցերից ու գնաց (video)
Սուտ է, նման բան չկա, խորհրդարանում լրագրողների հետ զրույցում ասաց ՀՀ պաշտպանության նախարար Սուրեն Պապիկյանը՝ արձագանքելով հարցին, թե նախարարության կողմից գնդերեցներին առաջարկվել է միանալ Փաշինյանի՝ եկեղեցու «բարենորոգման» օրակարգին։
Հիշեցնենք՝ տեր Զարեհ քահանա Աշուրյանը հայտնել էր, թե ՊՆ-ն պաշտոններ է առաջարկում ուրացող հոգևորականներին՝ մայորի հաստիքի և 700 հազար դրամ աշխատավարձի խոստումով։
«Աշխատավարձի չափ չեմ կարող ասել, բայց կարող եմ ասել, որ նախարարի հրամանը բացահայտում է, որ, այո՛, մենք կարող ենք պայմանագիր կնքել Հայ Առաքելական եկեղեկու հոգևոր կրթություն ունեցող սպասավորների հետ, որպեսզի նրանք ծառայեն և կատարեն իրենց առաքելությունը։ Եթե Զինված ուժերին, բանակին ծառայությունն ինչ-որ մեկն ուրացում է համարում, դա իր անձնական գործն է։ Իսկ այդ աշխատավարձի չափը, որ ասում եք, մեծ է, այդքան չէ, բայց բավարար աշխատավարձ կլինի, որը կտարբերվի նախկինում իրենց ստացածից»,-ասաց Սուրեն Պապիկյանը։
Հետևեք մեզ Viber-ում
