Վիճաբանություն ԱԺ-ում
ՀՀ «Դատական օրենսգրքում փոփոխություններ և լրացումներ կատարելու մասին» և կից ներկայացված նախագծերի փաթեթի քվեարկության ընթացքում խորհրդարանում վիճաբանություն սկսվեց: Վարման կարգով ելույթ ունեցավ «Ելք» խմբակցության ղեկավար Նիկոլ Փաշինյանը և առաջարկով հանդես եկավ, որպեսզի «Ծառուկյան» դաշինքն էլ չմասնակցի քվեարկությանը, որպեսզի այդպիսով օրենքը չընդունվի, եթե նույնիսկ մեծամասնությունը կողմ քվեարկի: «Ծառուկյան» խմբակցության պատգամավոր Գևորգ Պետրոսյանն էլ նշեց, որ կողմ է Փաշինյանի առաջարկին և որ «Ծառուկյան» դաշինքը չի մասնակցի քվեարկությանը: Նախագծի փաթեթը դրվեց քվեարկության, կողմ քվեարկեց 63 պատգամավոր: «Ելք»-ից մինչդեռ պնդեցին՝ ապօրինի քվեարկություն է տեղի ունեցել և պահանջեցին կրկնել քվեարկությունը: «Ելք»-ից Արարատ Միրզոյանը պարզաբանեց՝ «Ծառուկյան» խմբակցությունից Նապոլեոն Ազիզյանը չի քվեարկել, սակայն քվեարկությամբ կողմ է ցույց տալիս: Հանրապետականն այդպես էլ շարունակեց պնդել՝ ապօրինություն չի եղել, որին հետևեց ընդդիմադիր երկու խմբակցությունների՝ դահլիճը լքելու փաստը: Վարման կարգով ելույթ ունեցավ նաև ՀՀԿ-ական պատգամավոր, ԱԺ փոխնախագահ Էդուարդ Շարմազանովը նշեց, որ Մախմուդյանի ձայնը և ԱԺ փոխնախագահ Արփինե Հովհաննիսյանի ձայն էլ հաշված նախագիծն ընդունվել է:
Հետևեք մեզ Viber-ում
