Մինչ Դոնալդ Թրամփը Փաշինյան Նիկոլին Ալիև Իլհամի «հայրենակիցն» անվանեց, Բելգիայի թագուհի Մաթիլդան ԵՊՀ եկավ

Մինչ Դոնալդ Թրամփը Փաշինյան Նիկոլին Ալիև Իլհամի «հայրենակիցն» անվանեց, Բելգիայի թագուհի Մաթիլդան ԵՊՀ եկավ:
Ի՞նչ էր «կորցրել» տիկին Մաթիլդան ԵՊՀ-ում: Քանի որ վերջինս մասնագիտությամբ հոգեբան է և լոգոպեդ, ապա վարկած կա, որ ԵՊՀ-ի ղեկավար անձնակազմից շատերը ցանկություն ունեն թագուհու մասնագիտական ծառայություններից օգտվել: «Իմ հոգեբանն ու լոգոպեդն անձամբ Բելգիայի թագուհին էր»,- իրենց մեմուարներում կգրեն ԵՊՀ-ի այսրոպեական ղեկավարները: Վատ չի հնչում, չէ՞:
Սակայն, ըստ ԵՊՀ-ից ստացված տեղեկությունների, մեմուարների վարկածից բացի կա նաև այլ արժանահավատ վարկած:
ԵՊՀ-ում լսել են, որ շախմատի օրենքներով զինվորը կարող է թագուհի դառնալ: Եվ այս մտքով ոգևորված, ԵՊՀ-ի ղեկավարները փորձում են արմատապես փոխել իրենց կյանքը: Եվ թքած, որ զինվորը տղամարդ է, իսկ թագուհին` կին: Հանուն համապարփակ իշխանության կարելի է ամեն ինչ զոհաբերել:
ՀԳ. Շախմատում թագուհուն նաև ֆերզ են անվանում: Կարո՞ղ է ԵՊՀ-ում Մաթիլդային ֆերզի տեղ են դրել:

Այս մասին գրել է Կարեն Հեքիմյանը