«ՔՊ»-ականները վոյաժների մեջ են

Առաջիկա օրերին քպական պատգամավորներին թեժ գործումներ են սպասվում՝ աշխարհի տարբեր ուղղություններով։

«Փաստինֆո»-ն ԱԺ-ից տեղեկացավ, որ հոկտեմբերի 15-17-ը «ՔՊ» խմբակցության պատգամավոր Միքայել Թումասյանը Սանկտ Պետերբուրգում կմասնակցի ԱՊՀ ՄԽՎ մշակույթի, տեղեկատվության, տուրիզմի և սպորտի հարցերով մշտական հանձնաժողովի նիստի աշխատանքներին մասնակցելու համար։ Այնուհետեւ՝ հոկտեմբերի 26-28-ը, կգործուղվի նաեւ Բրյուսել, մասնակցելու ՆԱՏՕ-ի խորհրդարանական վեհաժողովի «ՆԱՏՕ-ի կողմնորոշման ծրագիր» միջոցառմանը։
ԱՊՀ ՄԽՎ գիտության և կրթության մշտական հանձնաժողովի նիստի աշխատանքներին մասնակցելու համար էլ ՌԴ Սանկտ Պետերբուրգ քաղաք կմեկնի ԱԺ պատգամավոր Գեղամ Նազարյանը՝ հոկտեմբերի 30-ից նոյեմբերի 1-ը։

ԵԽԽՎ միգրացիայի փախստականների և տեղահանված անձանց հարցերի հանձնաժողովի նիստի աշխատանքներին մասնակցելու համար Լոնդոն է գործուղվելու ԱԺ պատվիրակության անդամ, «ՔՊ» պատգամավոր Արուսյակ Ջուլհակյանը։ Նշենք, որ Ջուլհակյանը գործուղման մեջ կլինի 4 օր։
Հոկտեմբերի 12-14-ին Վարշավա կգործուղվի ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը, ով կմասնակցի ԵԽԽՎ արհեստական բանականության և մարդու իրավունքների ենթահանձնաժղովի նիստի աշխատանքներին;
ՀՀ ԱԺ նախագահի տեղակալ Հակոբ Արշակյանն էլ արդեն գործուղվել է Վաշինգտոն, որտեղ հոկտեմբերի 12-15-ը կմասնակցի համաշխարհային բանկի և արժույթի միջազգային հիմնադրամի 2025-ի տարեկան խորհրդարանական հանդիպմանը։

Հոկտեմբերի 19-21-ին գործուղում է սպասվում նաև դեպի Ժնև. Միջխորհրդարանական միության 151-րդ վեհոժողովին մասնակցելու համար ԱԺ նախագահի գլխավորած պատվիրակության կազմում են՝ ԱԺ նախագահ Ալեն Սիմոյնաը, ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը, ԱԺ ֆինանսավարկային և բյուջետային հարցերի մշտական հանձնաժողովի նախագահ Ծովինար Վարդանյանը, ԱԺ «ՔՊ» խմբակցության պատգամավոր Հասմիկ Հակոբյանը, ԱԺ աշխատակազմի ղեկավար Դավիթ Առաքելյանը, ԱԺ նախագահի խորհրդական Աշխեն Հայրապետյանը, ԱԺ աշխատակազմի արտաքին կապերի վարչության պետ Տիգրան Սեյրանյանը, ԱԺ աշխատակազմի արարողակարգի վարչության պետ Ալեքսանդր Մխիթարյանը, ԱԺ նախագահի մամուլի խոսնակ Մովսես Հարությունյանը, ԱԺ աշխատակազմի արարողակարգի վարչության այցերի և ընդունելությունների կազմակերպման բաժնի պետ Մամիկոն Մարգարյանը, ԱԺ աշխատակազմի արտաքին կապերի վարչության միջազգային կազմակերպությունների բաժնի առաջատար մասնագետ Աննա Հովակիմյանը, ԱԺ աշխատակազմի հասարակայնության հետ կապերի և հաղորդակցույան վարչության աշխատակիցները։
Նշենք, որ այս գործուղման համար ԱԺ-ն վճարելու է ոչ միայն ճանապարհածախսը, այլև՝ ներկայացուցչական ծախսերի, օրապահիկի և գիշերավարձի համար։

Աղբյուր՝ Փաստինֆո