Մենք գիտենք, որ պարոն Փաշինյանը շատ երկչոտ ու վախեցած մարդ է. Ամստերդամը խոստանում է՝ 1 ամսում աշխարհը կիմանա Սամվել Կարապետյանի քաղաքական հետապնդման մասին

Սամվել Կարապետյանի միջազգային փաստաբան Ռոբերտ Ամստերդամը հայտարարել է, որ եվրոպական տարբեր կառույցների պատրաստվում է տեղեկացնել Նիկոլ Փաշինյանի գործողությունների մասին:

«Կարող եմ խոստանալ, որ մեկ ամսվա ընթացքում աշխարհը լրիվ իրազեկ կլինի այս վարչապետի գործողությունների մասին, որ նա բանտարկում է բոլոր նրանց, ում ընկալում է որպես քաղաքական եւ կրոնական ընդդիմախոս»,- ընդգծել է փաստաբանը:

Նրա դիտարկմամբ՝ Սամվել Կարապետյանի նկատմամբ իրականացվում է անձնական գրոհ, որը հոր քառասունքին էր մասնակցում: Ըստ իս՝ սա անցնում է պարկեշտության սահմանները:
«Այս ամենն ինձ համար աներեւակայելի է, ուղղակի խոսքեր չունեմ, որ նման ժամանակ կարելի է մարդու մեղադրել»,- ասել է փաստաբանը, որի կարծիքով՝ Հայաստանի իշխանությունները պարզապես ուզում են ազատվել Կարապետյանից, ինչի դեմն իրենք առնելու են իրավական ճանապարհով։

«Մենք գիտենք, որ պարոն Փաշինյանը շատ երկչոտ ու վախեցած մարդ է: Նման մեղադրանք ներկայացնելու համար պետք է, որ շատ վախեցած լիներ»,- ասել է նա։