ԱԺ «Հայաստան» խմբակցության պատգամավոր Մհեր Մելքոնյանի ֆեյսբուքյան գրառումը․ «Շիրակի մարզում թափառող շների խնդիրը հասել է մտահոգիչ մակարդակի։ Այն վաղուց վերածվել է լուրջ հանրային անվտանգության սպառնալիքի։ Մինչ պետական ու տեղական մարմինները շարունակում են միմյանց վրա բարդել պատասխանատվությունը, իրականությունը մնում է անփոփոխ․ մարզի բնակիչները շարունակում են ապրել մշտական վախի պայմաններում։
Տարիներ շարունակ համայնքները իրենց սուղ բյուջեներից հսկայական գումարներ են ծախսում շների ստերջացման ծրագրերի վրա, սակայն կարելի է արձանագրել՝ այս մոտեցումը գրեթե անօգուտ է։ Թափառող շների թիվը ոչ միայն չի նվազում, այլև տարեցտարի ավելանում է։ Սա հստակ վկայում է՝ մոտեցումը սխալ է, իսկ համակարգը՝ անարդյունավետ։
Վիճակագրությունը խոսում է ինքն իրեն․ միայն 2024 թվականին Շիրակի մարզում թափառող շների հարձակումներից բժշկական հաստատություններ են դիմել 631 քաղաքացի, իսկ 2025 թվականի հունվարից մինչև օգոստոսի 31-ը՝ արդեն 450 քաղաքացի։ Սա լուրջ ահազանգ է:
Եթե որևէ բան չփոխվի, այս թվերը տարեցտարի շարունակելու են աճել՝ վտանգելով մեր քաղաքացիների անվտանգությունը: Այս խնդիրը համայնքների մակարդակով լուծելն արդեն անհնար է։ Շիրակի մարզի համայնքները չունեն բավարար ֆինանսական, կառավարչական և տեխնիկական հնարավորություններ։ Թափառող շների հարցը պահանջում է պետական հստակ քաղաքականություն, մասնագիտական մոտեցում և կենտրոնացված ֆինանսավորում։
Պետք է ձևավորվի միասնական պետական ծրագիր՝ — ժամանակակից կացարանների կառուցմամբ, — հաշվառմամբ և սեռազատմամբ, — մշտական վերահսկողությամբ և պատասխանատվությամբ։
Պետությունը պարտավոր է ապահովել իր քաղաքացիների ֆիզիկական անվտանգությունը։ Կառավարությունը այլևս իրավունք չունի աչք փակել այս վտանգի վրա։ Ժամանակն է ընդունել թափառող շների խնդիրը որպես հանրային անվտանգության օրակարգի մաս և հանդես գալ համակարգված, երկարաժամկետ լուծմամբ»:
Հոկտեմբերի 15-ին՝ ժամը 14։30-ին, Հայելի ակումբի հյուրն է Դերենիկ Մալխասյանը
Հոկտեմբերի 15-ին՝ ժամը 16։30-ին, Հայելի ակումբի հյուրն է Նարե Սոսեն
Հոկտեմբերի 15-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հոկտեմբերի 15-ին՝ ժամը 11։00-ին, Հայելի ակումբի հյուրն է Հայկ Նահապետյանը
Հոկտեմբերի 14-ին՝ ժամը 11։00-ին, Հայելի ակումբի հյուրն է Անաստաս Իսրայելյանը
Հոկտեմբերի 14-ին՝ ժամը 14։00-ին, Հայելի ակումբի հյուրն է Զարուհի Փոստանջյանը
Հոկտեմբերի 14-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Հոկտեմբերի 14-ին՝ ժամը 15։00-ին, Հայելի ակումբի հյուրն է Վոլոդյա Հովհաննիսյանը
Հոկտեմբերի 14-ին՝ ժամը 13։00-ին, Հայելի ակումբի հյուրն է Ռուզաննա Ստեփանյանը
Հոկտեմբերի 13-ին՝ ժամը 11։00-ին, Հայելի ակումբի հյուրն է Լարիսա Ալավերդյանը
Հետևեք մեզ Viber-ում
