ՊՆ-ին պատկանող «ՈՒԱԶ» է վթարի ենթարկվել. 6 զինվոր և 1 բուժքույր են տուժել. թարմացված

Մեղրի-Սիսիան ավտոճանապարհին այսօր վթար է տեղի ունեցել:

Հոսպիտալի ճանապարհին վթարի է ենթարկվել ՊՆ-ին պատկանող «ՈւԱԶ» մակնիշի մեքենան, որի մեջ զինվորներ և բուժքույր են եղել:

Oragir.News-ի տեղեկություններով՝ վթարի հետևանքով 7 հոգի տուժած կա, որից 6-ը՝ զինվոր, 1-ը՝ բուժքույր, ամենածանրը զինվորներից մեկի վիճակն է, որը հոսպիտալացվել է այտոսկրի կոտրվածքով և գլխի լուրջ վնասվածքով:

Հայտնի է նաև, որ տուժածներին տեղափոխել են Սիսիանի հոսպիտալ:

Այս պահին այլ մանրամասներ հայտնի չեն:

Կայքը կապ է հաստատել ՊՆ խոսնակ Արամ Թորոսյանի հետ, որը նշել է, որ վթարի հետևանքով միայն մեկ զինծառայող է թեթև քերծվածքներ ստացել:

Սակայն Oragir.News-ի աղբյուրը հայտնել է, որ հոսպիտալ տեղափոխված զինվորները բավականին լուրջ վնասվածքներ ունեն: