Միքայել արքեպիսկոպոս Աջապահյանը դատապարտվեց 2 տարվա ազատազրկման

Այսօր՝ հոկտեմբերի 3-ին, Երևանի ընդհանուր իրավասության քրեական դատարանում տեղի ունեցավ Միքայել արքեպիսկոպոս Աջապահյանի գործով դատական նիստը։ Դատարանը որոշեց Միքայել Սրբվազանին ազատազրկել 2 տարի ժամկետով։

Դատավոր Արմինե Մելիքսեթյանին ճանապարհեցին «ամոթ» վանկարկումներով։

Հիշեցնենք, որ իշխանությունը՝ Նիկոլ Փաշինյանի գլխավորությամբ, արշավ է սկսել Հայ Առաքելական Սուրբ Եկեղեցու նկատմամբ։ Արշավի նախերգանքը եղավ այն, որ Փաշինյանը կառավարության նիստի ընթացքում մեղադրեց հոգևորականներին «եկեղեցիները չուլանի վերածելու մեջ»։ Ինչից հետո հարձակումներ սկսեցին ՀԱԵ բազմաթիվ հոգևորականների՝ բարձրաստիճան սպասավորների՝ Վեհափառ Հայրապետի, արքեպիսկոպոսների նկատմամբ։ Այս ամենի շրջանակում դիմակավորված ԱԱԾ աշխատակիցները մուտք գործեցին Մայր Աթոռի տարածք, լրագրողներին հեռացրին Վեհարանի տարածքից՝ կողպելով դարպասները։

Միքայել Սրբազանի նկատմամբ քրեական գործ է հարուցվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։

Նա կալանավորվել է հունիսի 28-ին։

Նշենք, որ դատախազը միջնորդել էր Միքայել Սրբազանին ազատազրկել 2 տարի 6 ամիս ժամկետով։