Ամոթ ու ամո՛թ․Միքայել Սրբազանի գործով դատախազը միջնորդեց 2 տարի 6 ամիս ժամկետով ազատազրկել Սրբազանին (video)

Միքայել սրբազանի պաշտպանական թիմն այսօր՝ սեպտեմբերի 29–ին, լրացուցիչ դատալսումների ժամանակ բացարկի միջնորդություն ներկայացրեց գործը քննող դատավոր Արմինե Մելիքսեթյանին։

Պաշտպան Արա Զոհրաբյանը որպես հիմք նշեց այն, որ դատավորը խախտել է քրեական օրենսգիրքը, քանի որ վերդիկտը հրապարակելուց հետո կողմերին չի հայտնել, որ նրանք իրավունք ունեն մինչեւ հաջորդ նիստը դատարան ներկայացնելու միջնորդություններ։

Սա, ըստ նրա, կարող էր լինել երկու դեպքում, կամ դատավորը կոնպետենտ չէ, կամ ունի խտրական վերաբերմունք. «Մենք հակված ենք պնդելու, որ դատավորն ունի խտրական վերաբերմունք Միքայել Սրբազանի նկատմամբ»,–ասաց նա՝ հիմնավորելով դա մի քանի փաստեր մեջբերելով։։

Դատարանը մերժեց ինքնաբացարկի միջնորդությունը։

Գործով դատախազը միջնորդեց Միքայել Սրբազանին ազատազրկել 2 տարի 6 ամիս ժամկետով։