«Քաղաքը կոլապսի ենթարկած իշխանությունների կենցաղային գաղափարները իրականության հետ որևէ աղերս չունեն». Առաքելյան

Ճոպանուղու նախագիծն արդեն 7 տարի է, ինչ շրջանառվում է, սակայն բացի գաղափարից որևէ առաջւնթաց չկա։ Այս մասին «Փաստինֆո»-ի հետ զրույցում հայտնել է «Ապրելու երկիր» կուսակցության համահիմնադիր Մեսրոպ Առաքելյանը։

Կառավարության նիստի ժամանակ Երևանի քաղաքապետ Տիգրան Ավինյանը հայտարարեց, որ Երևանի կենտրոնից դեպի Նոր Նորք կկառուցվի ճոպանուղի։
Հետաքրքրականն այն է, որ 2023 թվականի Երևանի ավագանու ընտրությունների քարոզարշավի ժամանակ ճոպանուղու գաղափարն առաջարկվել էր։
«Ապրելու երկիր» կուսակցությունն իր նախընտրական քարոզարշավի առաջարկներից մեկը եղել է մայրաքաղաքում ճոպանուղու կառուցումը, որը կօգնի նախ արագ տեղաշարժվել, ապա կնվազեցնի խցանումների թիվը Երևանում։ Երեւանի կենտրոնը ծայրամասին կապող ճոպանուղու երթուղին, իրականություն դառնալու դեպքում, ունենալու էր 7 գիծ, ի տարբերություն գործող քաղաքապետի ներկայացրած 1 գծի։

«Այս նախագիծը արդեն 7 տարի է՝ շրջանառվում է և բացի գաղափարից որևէ առաջընթաց չկա։ Մենք ճոպանուղին պատկերացնում էինք որպես քաղաքական տրանսպորտի կարևորագույն մաս և այժմյան խցանումների պարագայում ակնհայտ է, որ այն այլընտրանք չունի։ Իսկ քաղաքը կոլապսի ենթարկած իշխանությունների կենցաղային գաղափարները իրականության հետ որևէ աղերս չունեն»,- ասաց Առաքելյանը։
Հարցին՝ արդյո՞ք ճոպանուղու գաղափարն իրականություն չի դառնա, ինչպես մետրոյի Աջափնյակի կայարանը, Առաքելյանը պատասխանեց. «Ծիծեռնակաբերդի խճուղու 200 մ ճանապարհը երբ վերականգնեն, նոր կարելի է քննարկել այս իշխանությունների մնացած կենացները»։