Արևմուտքը նշել է 15 երկրներ, որոնք կարող են միջուկային հարված հասցնել
Ըստ Military Watch ամսագրի՝ աշխարհում կա մոտավորապես 15 երկիր, որոնք ունեն միջուկային հարված հասցնելու կարողություն։
«Միջուկային զենքի չտարածման մասին պայմանագիրը սահմանափակում է միջուկային զենքի տիրապետումը միայն հինգ երկրների՝ Միացյալ Նահանգների, Չինաստանի, Ռուսաստանի, Ֆրանսիայի և Միացյալ Թագավորության համար։ Չնայած այդ պայմանագրի՝ այսօր ընդհանուր առմամբ 15 երկիր պահպանում է առնվազն սահմանափակ հայտնի միջուկային հարված հասցնելու կարողություն», - նշվում է հոդվածում։
Ամսագիրը այս երկրները դասակարգել է չորս կատեգորիայի՝ հիմնվելով իրենց միջուկային հզորության վրա։
Առաջին կատեգորիան ներառում է Միացյալ Նահանգները, Ռուսաստանը և Չինաստանը, որոնք ունեն լիարժեք միջուկային եռյակ։ Երկրորդ կատեգորիան ներառում է Հյուսիսային Կորեան, Հնդկաստանը, Պակիստանը և Իսրայելը, որոնք մշակել են իրենց սեփական միջուկային հրթիռները՝ առանց պայմանագրի կողմ լինելու։
Երրորդ խումբը բաղկացած է Միացյալ Թագավորությունից և Ֆրանսիայից, որոնք ունեն միջուկային բալիստիկ հրթիռներ տեղափոխող սուզանավեր։
Չորրորդ կատեգորիան ներառում է Գերմանիան, Նիդեռլանդները, Թուրքիան, Բելգիան, Իտալիան և Բելառուսը, որոնք միջուկային զենք են ստացել իրենց դաշնակիցներից։
Հետևեք մեզ Viber-ում
