Պուտինը գովեց Թրամփին (տեսանյութ)
ՌԴ նախագահ Վլադիմիր Պուտինի տարեվերջյան մամլո ասուլիսին նախագահին ABC-ի լրագրողը խնդրեց գնահատել ԱՄՆ նախագահ Դոնալդ Թրամփի 1 տարվա գործունեությունը նախագահի պաշտոնում։ «Ես չէ, որ պետք է գնահատեմ նախագահ Թրամփի աշխատանքը։ Դա պետք է անի նրա ընտրողը՝ Ամերիկայի ժողովուրդը։ Բայց մենք մի քանի կարևոր ձեռքբերումներ ենք նկատել այս կարճ ժամանակահատվածում։ Շուկային նայեք՝ ինչպես է աճել։ Դա խոսում է Ամերիկայի տնտեսության հանդեպ ներդրողի վստահության մասին, դա խոսում է այն մասին, որ նրանք վստահում են նախագահ Թրամփի արածին այդ ոլորտում:Կան բաներ, որոնք կարծում եմ նա կցանկանար անել արտաքին քաղաքականության մեջ Ռուսաստանի հետ հարաբերությունների լավացման առումով, սակայն ակնհայտ է, որ չնայած ցանկությանը՝ առայժմ ի զորու չէ հայտնի սահմանափակումների պատճառով։ Բայց ամեն դեպքում, չգիտեմ, իրեն պետք է հարցնել:Ռուս և ամերիկացի ժողովուրդների հետաքրքրությունների շրջանակներում իրենք փորձում են կարգավորել իրենց հարաբերությունները, դիմակայել համընդհանուր սպառնալիքներին՝ ահաբեկչություն, բնապահպանական հարցեր, մասսայական ոչնչացումներ Մերձավոր Արևելքում և այլն։ Կան բազում խնդիրներ, որոնք ուժերի միավորմամբ առավել հաջող լուծում կստանան, քան մինչ օրս »,-պատասխանեց Վլադիմիր Պուտինը։
Հետևեք մեզ Viber-ում
