Արզնի համայնքի ղեկավար ի վերաբերյալ հերթական նյութերն են կազմվել և փոխանցվել ՀՀ Հակակոռուպցիոն կոմիտե

SHAMSHYAN.com-ի տեղեկություններով՝ ՀՀ Ազգային անվտանգության ծառայության Կոտայքի մարզային վարչությունում և ՀՀ ՆԳՆ ոստիկանության քրեական ոստիկանության գլխավոր վարչության Կոտայքի մարզային քրեական վարչությունում ստացված օպերատիվ տեղեկություններն իրացնելիս փաստական տվյալներ են ձեռք բերվել առ այն, որ 2024 թվականի ընթացքում ՀՀ Պաշտպանության նախարարության Կոտայքի մարզի զինվորական կոմիսարիատի կողմից որպես պահեստազորային Կոտայքի մարզի Արզնի բնակավայրի բնակիչ 31-ամյա Արա Ց.-ին է ուղարկվել ծանուցում՝ 25-օրյա վարչական հավաքներին մասնակցելու համար։

Ինչպես հայտնում է ֆոտոլրագրող Գագիկ Շամշյանը, փաստական տվյալներով պարզվել է, որ Արզնիի համայնքապետարանի կողմից, ի դեմս համայնքապետ, Արզնի գյուղի բնակիչ 47-ամյա Ֆելիքս Միրզոևի կողմից տրված տեղեկանքի, հայտնել են, որ Արա Ց.-ն 2024 թ. ընթացքում բացակայել է երկրից, սակայն Սահմանային էլեկտրոնային կառավարման տեղեկատվական (ՍԷԿՏ) համակարգում առկա տեղեկատվության համաձայն Արա Ց.-ն գտնվել է Հայաստանում։

Դեպքի առթիվ կազմվել են փաստաթղթեր, որոնք փոխանցվել են ՀՀ հակակոռուպցիոն կոմիտե՝ պարզելու համար՝ արդյոք Արզնու համայնքապետ Ֆ. Միրզոևը կապ ունի՞ նշված գործի հետ:

Մանրամասները՝ սկզբնաղբյուր կայքում