Կավարությունը 1 մլրդ դրամ հատկացրեց համայնքներում սուբվենցիոն ծրագրերի համար

Կառավարությունն իր այսօրվա՝ սեպտեմբերի 11–ի նիստում սուբվենցիոն ծրագրերին գումար հատկացնելու վերաբերյալ հերթական որոշումը կայացրեց։

Ներկայացնելով նախագիծը, ՏԿԵ նախարար Դավիթ Խուդաթյանն ասաց, որ խոսքը այդ ծրագրերը 1 մլրդ դրամով համաֆինանսավորելու մասին է. «Առաջարկվում է 19 համայնքի թվով 26 սուբվենցիոն ծրագիր համաֆինանսավորել։ Ըստ մարզերի՝ Արագածոտնի մարզից 2, Արարատի մարզից 4, Արամվիրից 7, Լոռու մարզից 2, Կոտայքի մարզից՝ 5, Շիրակի մարզից՝ 1, Սյունիքի մարզից 3 և Տավուշի մարզից 2 ծրագիր։

Բացի այդ, չզեկուցվող հարցերով մասնակցային բյուջետավորման հետ կապված վերաբաշխում ենք անում 917,2 մլն դրամ։ Առաջարկվում է մասնակցային բյուջետավորման շրջանակներում վերաֆինանսավորել 35 ծրագիր, որից Արագածոտնի մարզում 1, Արարատի մարզում 3, Արմավիրի մարզում 5, Գեղարքունիքի մարզում 2, Լոռու մարզում 6, Կոտայքի մարզում 5, Շիրակի մարզում 5, Վայոց Ձորի մարզում 5 և Տավուշում 3 ծրագիր»,–ասաց նա։