Արցախի Հանրապետության ԱԳՆ շենքի ապամոնտաժման ընթացքում, որը ներառված էր պատմամշակութային հուշարձանների ցանկում, Ստեփանակերտում գործող ադրբեջանական օկուպացիոն վարչախումբը ոչնչացրել է շենքի ներսի պատին գտնվող տաղանդավոր նկարիչ և քանդակագործ Առնոլդ Մելիքսեթյանի հեղինակած որմնանկարը։ Այս մասին ահազանգում է Արցախի զբոսաշրջության և մշակույթի զարգացման գործակալությունը։
«ԱԳՆ շենքի քանդումը Արցախի Անկախության օրը ոչ միայն նպատակ ուներ վերացնել անկախության խորհրդանիշները, այլև դարձավ Ադրբեջանի կողմից Արցախի մշակութային ժառանգության ոչնչացման, աղավաղման և յուրացման հետևողական քաղաքականության հերթական դրսևորումը։
Մենք ընդգծում ենք, որ այս վանդալիզմի պատասխանատվությունը կրում է ոչ միայն Ադրբեջանը, այլև միջազգային հանրությունը, որը իր լռությամբ և անգործությամբ փաստացի խրախուսում է մշակութային ցեղասպանությունը։ Ոչ պակաս մտահոգիչ է նաև Հայաստանի իշխանությունների անգործությունը, որոնք պարտավոր էին պաշտպանել իրենց քաղաքացիների իրավունքները և Արցախի մշակութային ժառանգությունը միջազգային հարթակներում։
Առնոլդ Մելիքսեթյանի որմնանկարի ոչնչացումը ոչ միայն արվեստի արժեքավոր գործի կորուստ է, այլև հիշողության ու արցախահայերի ինքնության ջնջման լայնածավալ քաղաքականության մի մասն»,- գրել է Արցախի զբոսաշրջության և մշակույթի զարգացման գործակալությունը։
Սեպտեմբերի 10-ին՝ ժամը 15։30-ին, Հայելի ակումբի հյուրն է Սամվել Հակոբյանը
Սեպտեմբերի 10-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Սեպտեմբերի 9-ին՝ ժամը 16։00-ին, Հայելի ակումբի հյուրն է Խաչիկ Մանուկյանը
Սեպտեմբերի 9-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Սեպտեմբերի 9-ին՝ ժամը 13։00-ին, Հայելի ակումբի հյուրն է Հայկ Այվազյանը
Սեպտեմբերի 9-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Սեպտեմբերի 9-ին՝ ժամը 11։00-ին, Հայելի ակումբի հյուրն է Ռուզաննա Ստեփանյանը
Սեպտեմբերի 8-ին՝ ժամը 13։00-ին, Հայելի ակումբի հյուրն է Խոսրով Հարությունյանը
Սեպտեմբերի 8-ին՝ ժամը 11։00-ին, Հայելի ակումբի հյուրն է Հայկ Նահապետյանը
Սեպտեմբերի 8-ին՝ ժամը 10։00-ին, Հայելի ակումբի հյուրն է Արմինե Ադիբեկյանը
Հետևեք մեզ Viber-ում
