Մարգարիտա Սիմոնյանը պատմել է ծանր հիվանդության և առաջիկա վիրահատության մասին
«Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանը պատմել է, որ իր մոտ ծանր հիվանդություն է ախտորոշվել և վիրահատվելու է: Նա հայտարարությունն արել է «Երեկոն Վլադիմիր Սոլովյովի հետ» հաղորդման եթերում, հաղորդումից մի հատված Սիմոնյանը հրապարակել է իր տելեգրամյան ալիքում։
«Այս շաբաթ ինձ մոտ սարսափելի, ծանր հիվանդություն ախտորոշեցին։ Վաղը ես վիրահատություն ունեմ։ Ես համարեցի, որ ես պարտավոր եմ այսօր եթեր գալ և ասել ճշմարտությունը, քանի որ միշտ ավելի լավ է ինքներս ասել ճշմարտությունը, քան թույլ տալ, որ հանդիսատեսը սնվի ասեկոսեներով»,-ասել է Սիմոնյանը։
Նա հիշեց, որ իր ամուսինը՝ ռեժիսոր և հեռուստահաղորդավար Տիգրան Քեոսայանը, ինը ամիս կոմայի մեջ է։
Հետևեք մեզ Viber-ում
