Ֆիցոն Զելենսկուն պատմել է Պուտինի հետ հանդիպման մանրամասները

Ուրբաթ օրը Ուժգորոդում Վլադիմիր Զելենսկու հետ հանդիպման ժամանակ Սլովակիայի վարչապետ Ռոբերտ Ֆիցոն հայտարարել է, որ տեսնում է Ռուսաստանի հետաքրքրությունը հանդիպման նկատմամբ։ Այս մասին հաղորդում է «ՌԻԱ Նովոստի»-ն։
Ավելի վաղ Ռուսաստանի նախագահ Վլադիմիր Պուտինը հայտարարել էր, որ եթե Զելենսկին պատրաստ է հանդիպմանը, ապա պետք է գա Մոսկվա։ Իր հերթին, Զելենսկին մերժել է Ռուսաստանի նախագահի Մոսկվա գալու առաջարկը՝ միաժամանակ հակասականորեն հայտարարելով, որ պատրաստ է հանդիպմանը «ցանկացած ձևաչափով»։
«Նախագահ Զելենսկու հետ հանդիպման ժամանակ կարևոր էր ասել, որ այնտեղ (Ռուսաստանի Դաշնությունում - խմբ.) հետաքրքրված են այդ հանդիպման նկատմամբ», - շաբաթ օրը «Շաբաթօրյա երկխոսություններ» հաղորդման եթերում ասել է Ֆիցոն։