«Փյուր լենդ» ՍՊԸ–ն դադարեցնում է գործունեությունը

ՀՀ կառավարության սեպտեմբերի 4-ի նիստում ընդունվեց որոշում, ըստ որի՝ «Փյուր լենդ» ՍՊԸ–ն դադարեցնում է իր գործունեությունը «Մեղրի» ազատ տնտեսական գոտում։

Նշվում է, որ ընկերությունը 2021 թվականի նոյեմբերի որոշմամբ ընդգրկվել էր «Մեղրի» ազատ տնտեսական գոտու շահագործողների ռեեստրում՝ սննդամթերքի փաթեթավորման գործարան կառուցելու նպատակով։ Ռեեստրում ընդգրկվելու ժամկետը սահմանված էր 10 տարի։

Ընկերությանը 2025 թվականի հունվարի 22-ին տրամադրվել էր շահագործողի վկայական, սակայն հետագայում պարզվել է, որ «Փյուր լենդ» ՍՊԸ–ն գրեթե չի կատարել իր ստանձնած պարտավորությունները և ժամանակին չի ուղղել շեղումները, ինչպես նաև համապատասխան տեղեկատվություն չի ներկայացրել։