Հայաստանի ներքաղաքական դաշտում վերջապես արձանագրվեց մի երևույթ, որը կարող է շեղվել երկար տարիների կրկնվող ու հոգնեցնող տարատեսակ սցենարներից։ Խոսքը ազգային բարերար Սամվել Կարապետյանի խոստացած քաղաքական նախաձեռնության մասին է, որի առաջին քայլերը տարբերվում են ավանդական կուսակցական մեխանիզմներից։
Սովորաբար մեզ մոտ ամեն ինչ սկսվում է նոր կուսակցական հռչակագրով, «պայծառ ապագայի» հերթական կարճատև խոստումներով և քաղաքական շահերին ենթարկված կառուցվածքներով։ Եթե անկեղծորեն խոստովանենք, մեր հասարակությունը վաղուց հոգնել է ճոռոմ խոսքերից ու դատարկ հայտարարություններից։ Հենց այս հիասթափության ֆոնին էլ Կարապետյանի թիմի առաջարկած մոդելը՝ քաղաքացիական շարժումից սկիզբ առած քաղաքականություն, կարող է ընկալվել որպես իրական այլընտրանք։
Այս երևույթը, որոշակի իմաստով, հիշեցնում է Վրաստանի նախորդ տասնամյակի փորձը։ Այնտեղ ևս հասարակությունը, հիասթափված պոպուլիստական կառավարումից, տարածքային կորուստներից ու ապագայի հանդեպ անորոշությունից, իր աջակցությունը հայտնեց բարերար Բիձինա Իվանիշվիլիի ղեկավարած քաղաքական ուժին, որը վստահ հաղթանակ տարավ 2011 թվականի խորհրդարանական ընտրություններում։ Վերջինիս իշխանության գալը պայմանավորեց տնտեսական վերափոխումներ, արտաքին հարաբերությունների որոշակի կայունացում և քաղաքական նոր օրակարգի հաստատում։ Եվ դրանց հաջողությունը թույլ տվեց, որ առայսօր նա շարունակի վայեյել վրաց ժողովրդի վստահությունը:
Հայաստանում տեղի ունեցող զարգացումները որոշակիորեն համադրելի են վրացական նախադեպի հետ։ Այնուամենայնիվ, խնդիրն այստեղ միայն առաջնորդի կամ բարերարի ֆենոմենը չէ․ ավելի կարևոր է հասկանալ, թե արդյո՞ք հասարակությունը պատրաստ է քաղաքական նոր առաջարկն ընկալել՝ որպես իրական հնարավորություն։
Այս համատեքստում կարելի է ձևակերպել հիմնարար հարցադրումը․ արդյո՞ք ՀՀ քաղաքացին պատրաստ է ընդունել իր «Բիձինա Իվանիշվիլուն»՝ որպես իրական փոփոխությունների և զարգացման երաշխավոր, թե՞ նախընտրելու է մնալ քաղաքական ստատուս քվոյի պայմաններում, որտեղ գերիշխում են ավտորիտարիզմը, հասարակական հիասթափությունը և շարունակական կորուստների տրամաբանությունը:
Օգոստոսի 29-ին՝ ժամը 15։30-ին, Հայելի ակումբի հյուրն է Սերգեյ Շաքարյանցը
Օգոստոսի 29-ին՝ ժամը 14։30-ին, Հայելի ակումբի հյուրն է Աննա Այվազյան
Օգոստոսի 29-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Օգոստոսի 29-ին՝ ժամը 11։30-ին, Հայելի ակումբի հյուրն է Ձյունիկ Աղաջանյանը
Օգոստոսի 29-ին՝ ժամը 12։30-ին, Հայելի ակումբի հյուրն է Խաչիկ Մանուկյանը
Օգոստոսի 28-ին՝ ժամը 14։00-ին, Հայելի ակումբի հյուրն է Վիգեն Հակոբյանը
Օգոստոսի 28-ին՝ ժամը 13։00-ին, Հայելի ակումբի հյուրն է Զարուհի Փոստանջյանը
Օգոստոսի 28-ին՝ ժամը 15։00-ին, Հայելի ակումբի հյուրն է Հենրիխ Դանիելյանը
Օգոստոսի 28-ին՝ ժամը 11։00-ին, Հայելի ակումբի հյուրն է Հայկ Այվազյանը
Օգոստոսի 27-ին՝ ժամը 15։00-ին, Հայելի ակումբի հյուրն է Արշակ Սարգսյանը
Հետևեք մեզ Viber-ում
